九樓 |旭昇

估唔到就咁就係九樓住左一年，其實依家回望返呢一年，真係有好多好多難忘嘅回憶。

我地樓嘅名叫「旭昇」，呢兩個字嘅組成都不離一個「日」字，正正體現到樓友之間嘅溫暖同互相扶持，就好似太陽一樣，永遠不離不棄，每日互相照亮大家。

旭昇有好多獨特嘅樓文化同習俗，例如每個星期五都要舉行樓活動，詳情雖然不能夠在此透露，但就係因為有呢啲樓文化樓活動，令到我地喺旭昇得以成長，亦令到同屆、樓友之間嘅感情同信任得以提升。

喺旭昇，我地講求嘅係坦承，講求嘅係支持，講求嘅係相信，入到黎可能會有血、有淚、有笑、有汗，但唯一唔會有嘅，係一絲嘅後悔。

喺度嗌返一聲：「九樓......旭昇！」

— 貳壹雅士 黃家皓字